DOST KI SALAH

    Durga das tha toh dhani kisaan, kintu bahut aalsi tha.
   Woh na apne kheit dekhne jata tha, na khalihaan.


   Apni gaay-bhainson ki bhi woh khoj khabar nahi rakhta tha.
   Aur na apne gharke cheezon ki hi dekh bhaal karta tha .


   Sab kaam woh naukaron par chorh deta tha. Uske aalas ki wajah 
   se uske ghar ki hala bahut kharab thi.


   Usko kheti me nuksaan hone laga. Gaayke dudh ghee se bhi usko
   kuch laabh nahi ho raha tha.


   Ek din Durga das ka dost Harish uske ghar aaya. Harish ne Durga 
   das ke gharka haal dekha. Usne yeh samajh liya ki samjhane se 
   aalsi Durga das apna swabhaav nahi chorega. Isliye usne apne 
   dost ki bhalayi karne ke liye usse kaha ~ 

   

    Dost! "Tumhari musibat dekh kar mujhe bada dukh ho raha hai.
               Tumhari iss halat ko door karne ka bahut asaan tarika 
               mai janta hun."

   Durga das ~ " Krpa karke wo upay tum mujhe bata do.
                          Mai usse Awashya karunga"


   Harish ~ 'Sab chidhiyon ke jaagne se pehle hi Maansarowar par 
                   rehne wala ek safaid hans prithvi par aata hai.
                  Wo dopahar din hote hote laut jata hai. yeh toh pata 
                  nahi ki wo kab kahan ayega, lekin jo usko dekh leta hai,
                  usko kabhi kisi cheez ki kaami nahi hoti.'


   Durga das ~ 'kuch bhi ho, mai us hanska darshan awashya karunga.'


   Harish chala gaya. Durga das dusre din bade savere utha. Wo gharse 
   bahar nikla aur hansi khoj me kheton me gaya. Wahan usne deha ki ek 
   aadmi uske kheit se gehu apne kheiton me le ja raha hai.
   Durga das ko dekh kar wo sharam saar ho gaya aur maafi mangne laga.

   Kheiton se wo ghar aaya aur fir gaay ghar gaya. Wahan ka rakhwala 
   gaay ka dudh nikaal kar apnne laute me bharke le jaane wala tha. 
   Durga das ne usse pakad liya.


   Ghar aake Durga das bhojan karke fir hans ki khoj me chala gaya.
   wo fir kheito me gaya toh dekha ki kaam karne wale log toh aaye hi 
   nahi hain. Fir usne unka intezaar kiya aur jab wo aaye sabko danta 
   aur samjhaya. Iss tarah wo jahan gaya usne koi na koi haani hote 
   hue rok di.


   Safaid hansi khojme Durga das rooz subah uthne aur ghumne laga. Ab uske
   naukar theek kaam karne lage the. Uske yahan chori hona band ho gaya tha
   Pehle wo bemaar rehta tha aur ab wo swasth bhi rehne laga.


   Jis kheit se usse 10 bore anaaj nikalta tha, ab usse pacchis bore milne
   lage. Gaoshalaya se bahut adhik dudh aane laga. 


   Ek din fir Durga das ka dost Harish uske ghar aaya. 
   Durga das ne kaha ~ 'Dost! Safaid hans toh mujhe ab tak nahi dikha, kintu
   uski khoj me lagne se laabh bahut hua hai.


   Harish hasa aur bola ~ 'Mehnet karna hi wo safaid hans hai.Mehnet ke pankh
                                         sada ujle hote hain. Jo mehnet na karke apna kaam
                                         naukaron par chorh dete hain, wo nuksaan uthate hain
                                         aur jo khud mehnet karte hain aur jo khud naukaron ki 
                                         dekhbhaal karta hai, wo sampatti aur sammaan patein
                                         hain.'

                                                                 ~~o~~