Europe mein Yunan naam ka ek desh hai. Yunan mein purane samay
mein "Meedas" naam ka ek raja rajya karta tha. Raja Meedas bada hi
lalchii tha.
Apni beti ko chorhkar usse sansaar mein agar kuch pyaara tha toh bus
sona.
Wo raat ko bhi bus sona ikkatha karne ke hi sapne dekha karta tha.
Ek din raja Meedas apne khajane me baitha sone ki entein ( Bricks ) aur
asharfiyan gin raha tha. Achanak wahan ek dev dooth aaye.
Unhone raja se kaha - 'Meedas! Tum bahut ameer ho.'
Meedas ne muh latka-kar kaha - 'Mai ameer kaha hun. Mere pass toh ye
bahut kum sona hai.'
Dev dooth bola - ' Tumhe itne sone mein bhi santosh nahi ?
Kitne sona chahiye tumhe ?'
Raja ne kaha - 'Mai toh chahta hun ki mai jis cheez ko haath se chu lun
wo sona ho jaye.'
Dev dooth hasa aur bola - ' Acchi baat! Kal savere se tum jis cheez ko
chuoge, wo sona ki ban jayegi.'
Us din raat mein raja meedas ko neend hi nahi aayi. Subah jab hui usne
ek kursi par haath rakkha, wo soneki ho gayi. Ek table ko chuaa wo sona
ka table bana gya.
Raja Meeda khushi ke maare uchalne aur naachne laga. Wo pagalon ki
tarah daudhta hua apne bageeche gaya aur paidon ko chune laga. Usne
phool, patte, daliyan, gamle chuye aur sab sone ke ho gaye. Sab chamak
chamak chamakne laga.
Daudhte - uchalte Meedas thak gaya. Us abhi tak ye pata hi nahi chala tha
ki uske kapde bhi sone ke hokar bahut bhari ho gaye hain. Wo pyaasa tha
aur bhukha tha.
Garden se wo aone raaj mahal aaya aur ek sone ki kursi pe baith gaya.
Ek naukar ne uske aage paani aur bhojan rakh diya. Lekin jaise hi Meedas
ne bhojan ko haath lagaya, sab bhojan sona ban gaya.
Usne paani peene ke liye glass uthaya toh glass aur paani dono hi sona
ban gaye.
Uske saamne sone ki rotiyan, sone ke chawal, sone ke aaloo aadi the aur
wo bhuka tha. Sona chabakar uski bhukh nahi mit sakti thi.
Meedas ro pada. Ussi samay uski beti waha khelte ue aayi. Apne pita ko
roote hue dekhkar wo uski godh me baithkar uske ansu ponchne lagi.
Meedas ne apni beti ko chaati se laga liya.
Lekin ab uski beti wahan kahan thi, uski godh mein toh uski beti ki sone
ki bhaari murti thi.Jisko godh me rakhna bhi mushkil tha.
Bechara Meedas sar peet peet kar rone laga.
Devdooth ko daya aa gayi. Wo fir prakat hue. Unko dekhte hi Meedas
unke pair par gir padha aur gidh-gidah kar prarthana karne laga - 'Aap
apna vardaan vapis lauta lijiye.'
Dev dooth ne pucha - ' Meedas! Ab tumhe sona nahi chahiye ?
Batao, ek glass paani zayada zarurat hai ya sona ?
ek roti bhali ya sona ?
Meedas ne haath jodhkar kaha - 'Mujhe sona nahi chahiye. Mai jaan gaya
ki manushya ko sona nahi chahiye'
Sone ke bina manushya ka koi kaam nahi atakta lekin ek glass paani aur
ek roti ke bina mnushya ka kaam nahi chal sakta. Ab sone ka lalach
nahi karunga.
Dev doodh ne ek katore me paani diya aur kaha - 'Isse apne sar par chidak
do'
Meedas ne wo jal apni beti par, table par, kursi par, bhojan par, paani par,
aur garden ke paidh paudon par chidak diya. Sab jaise pehle the waise
ho gaye.
~~~~o~~~~
No comments:
Post a Comment