KAHANI - DAYA KA PHAL

   
           Badshah subodhgeen pehle bahut gareeb tha. Wo ek sadharan sainik tha.
            Ek din wo bandook lekar, ghodepar baithkar jungle me sheekar khelne 
            gaya tha. Use din usse bahut daudhna aur hairaan hona padah.



          
            Bhut door jane par usse ek hirani apne chote bacche ke saath dikhayi
            di. Subodhgeen ne apna ghoda uske peeche dauda diya.



            Hirani darke mare bhaag kar ek jhadhi me choop gayi, lekin uska chota
            baccha peeche chooth gaya. Subodhgeen ne hirani ke bacche ko pakad
            liya aur uske pair bandh kar ghodepar usse laad liya. Bahut dhudhne 
            par bhi jab usse hirani nahi mili toh uss bacche ko lekar hi laut 
            padha.



          
            Hirani ne dekha ki uske bache ko shikaari bandhkar le ja raha hai. Wo
            apne bacche ke mohh se jhadiyon se nikal aayi aur subodhgeen ke ghode
            ke peeche peeche daudhne lagi. Door jakar subodhgeen ne peeche dekha.
            Apne peeche hirani ko daudhte dekh usse ashcharya hua aur daya aa gayi.
            


            Usne uske bacche ke pair kholkar usse ghode se utaar diya. Hirani khush 
            hokar apne bacche ko lekar bhag gayi.


             
            Ussi din ghar lautkar jab raat me subodhgeen soya toh usne ek sapna dekha
            Usko koi dev dooth keh rahe hain ki - "Subodhgeen! tune aaj ek gareeb 
            hirani par jo daya ki hai, uss se khush hokar parmatma ne tera naam 
            Badshahon ki soochi me likh liya hai. Tu ek din badshah banega."




            Subodhgeen ka sapna saccha tha. Wo aage chalkar ek badshah bana.
            Ek hirani par daya karne ka usse yah phal mila. 


         
                                      JO JEEVON PAR DAYA KARTA HAI, 
                      USPAR BHAGWAAN ZAROOR PRASANN HOTE HAIN.


                                                         ~~~~o~~~~